[prenta uppsett í dálka] 110. fundur, 130. lþ.
Umhverfisráðherra (Siv Friðleifsdóttir):
Virðulegur forseti. Það er rétt að hingað koma Japanar í auknum mæli til að skoða norðurljósin. Þeir koma hingað einnig til að taka þátt í áramótagleði og upplifa stemninguna í kringum bálkestina á höfuðborgarsvæðinu og er það mjög gott.
Ég hef ekkert við það að athuga að ef heilbrigðisnefndir sveitarfélaga telja ástæðu til að gera sérstakar ráðstafanir á sínum svæðum. Ég tel það mjög æskilegt og ágætt. Ég býst við því að umræðan um þessi mál muni aukast í framtíðinni en ljósmengun er að mínu mati ekki orðið vandamál á Íslandi. Að mínu mati er mun nærtækara að einbeita sér að öðrum málum á næstunni og ekki í forgangi hjá okkur að grípa til sérstakra ráðstafana í þessu máli.
