Guðjón A. Kristjánsson (um fundarstjórn):
Hæstv. forseti. Við erum búin að vera að í nokkuð marga klukkutíma í dag eins og kom fram í máli hv. þm. Ögmundar Jónassonar. Ég sé enga sérstaka ástæðu til þess, hæstv. forseti, að það geti ekki komið fram í máli forseta hvernig á að haga fundum fram eftir nóttu. Við hljótum að eiga rétt á því að vita hvers konar vinnulag á að vera hér og að það stefni ekki í að unnið sé bara eftir hentugleikum frá klukkan tólf til klukkan sex eða átta í fyrramálið, eða hvaða plön eru fram undan? Eiga þau bara að vera hipsum happs eftir því hvernig hæstv. forseta dettur í hug að stjórna fundi?
(Forseti (BÁ): Forseti hefur engu við fyrri yfirlýsingu sína að bæta.)