Forseti (Guðmundur Árni Stefánsson):
Forseti vill að lyktum þessarar umræðu um fundarstjórn forseta, sem að sönnu er óvenjuleg í miðri ræðu þingmanns en helguðust af kringumstæðum og að forseti vildi gefa svigrúm til þess að menn gætu farið yfir það álitaefni, en sér út af fyrir sig ekki tilgang í því að teygja það á langinn.
Fleiri en einn og fleiri en tveir hv. þm. hafa beint spurningum til hæstv. ráðherra og óskað eftir viðveru þeirra. Stundum hefur gengið að fá þá til fundarins á tilteknum tíma, stundum ekki. Það eru engin slík tímamót núna sem gera það að verkum að kalla þurfi til sérstaks fundar formanna þingflokka, enda sér forseti ekki í augnablikinu --- með fullri virðingu fyrir þeim --- að þeir leysi úr því úrlausnarefni sem hér er til staðar.