Sjávarútvegsráðherra (Árni M. Mathiesen) (andsvar):
Herra forseti. Ég skil hvað hv. þm. á við hvað þetta varðar. Það er hins vegar afskaplega erfitt, eins og kom fram í hans ræðu, að velja einhverjar aðrar dagsetningar. Reynslan hefur verið sú að það er ágætt að gera þetta á þennan hátt. Ég kynnti þetta mál fyrir Landssambandi smábátaeigenda á mánudaginn fyrir viku síðan. Það fór í ríkisstjórn daginn eftir og í þingflokka á miðvikudeginum. Ég trúi að það hafi komið inn í þingið annaðhvort á miðvikudeginum eða fimmtudeginum. Síðan var því dreift næsta dag þannig að ég held að atburðarásin og röð atburða í þessu samhengi sé alveg í samræmi við það sem ætti að vera og engin sérstök ástæða til þess að gagnrýna það á þeim grundvelli.