Utanríkisráðherra (Halldór Ásgrímsson) (andsvar):
Frú forseti. Ég tel enga ástæðu til að hafa sérstakar áhyggjur af atvinnumálum í þessu sambandi. Ég tel mikilvægt að borgarstjórn sinni vel þeim málum sem eru á borði hennar og að við sem erum hér á Alþingi og í ríkisstjórn sinnum vel okkar málum. Það er eðlilegt að skoðanir séu skiptar um það hvaða reglur eigi að gilda. Það kemur ekkert fram í þessari ályktun borgarstjórnar um hvað þau eigi nákvæmlega við. Það er eðlilegt að skoðanir á þessum málum séu skiptar. Ég virði það. Ég tel nauðsynlegt að ljúka þessu máli hér á Alþingi og ég og minn flokkur munum að sjálfsögðu standa að því.