[prenta uppsett í dálka] 127. fundur, 130. lþ.
Frsm. minni hluta sjútvn. (Jóhann Ársælsson) (andsvar):
Hæstv. forseti. Það er nákvæmlega í þessu sem málið liggur. Að nota þessa skoðanakönnun sem rök fyrir því að afleggja dagakerfið er eins fáránlegt og nokkuð getur verið einfaldlega vegna þess að það var verið að spyrja mennina um frv. þar sem gert var ráð fyrir að rústa dagakerfinu á einu ári. Á næsta ári hefði það verið búið vegna þess að þeir sem hefðu orðið eftir í því hefðu eytt upp veiðiréttinum á einu ári. Þannig er það. Og mér finnst alveg fráleitt þegar mönnum dettur í hug að nota þetta sem rök fyrir því að leggja dagakerfið af.
