Guðjón A. Kristjánsson:
Hæstv. forseti. Með tillögu stjórnarandstöðunnar er boðinn fram góður sóknardagakostur fyrir handfæraveiðar sem tryggir góða umgengni og kemur í veg fyrir brottkast afla. Síðast en ekki síst yrði hún til að efla atvinnu og styrkja stöðu fólks í minni sjávarbyggðum. Kvótasetning ríkisstjórnarflokkanna á handfærabáta vinnur gegn þjóðarhag. Ég segi já.