[prenta uppsett í dálka] 19. fundur, 130. lþ.
Þórarinn E. Sveinsson:
Hæstv. forseti. Ég þakka hæstv. heilbrrh. fyrir þessar skýringar. Það er mjög mikilvægt að leiðrétta neikvæðan fréttaflutning, sérstaklega þegar viðkvæmur og mikilvægur vinnustaður eins og Fjórðungssjúkrahúsið á Akureyri á í hlut. Þar hefur verið mikil og góð uppbygging í gangi og fréttaflutningur eins og birtist í fjölmiðlum fyrir nokkru síðan var heldur til að óróa umhverfið og það er af hinu verra.
Ég þakka góðar skýringar.
