Gunnar Birgisson (andsvar):
Frú forseti. Ég þakka hv. þm. Jóni Bjarnasyni fyrir hans innlegg sem er nákvæmlega rétt, bæði með verð á lyfjum og náttúrlega hefur magnið svo stóraukist á sl. árum. Auðvitað ber að hafa áhyggjur af því að einungis tveir aðilar skipta 90% af markaðnum á milli sín. Ég er alveg sammála því að auðvitað þurfi að horfa á það. Það er orðið alvarlegt ef svo er og þá náttúrlega spyr maður sjálfan sig: Hvar eru samkeppnislögin? Gilda þau þegar svona er, eða hvað?
Með þessu áframhaldi er alveg ljóst að lyfjaverð mun ekki lækka í framtíðinni með þessu fyrirkomulagi í lyfjasölu á Íslandi.