Aðrar útgáfur af skjalinu: PDF - Word Perfect. Ferill 127. máls.

---

137. löggjafarþing 2009.
Þskj. 238  —  127. mál.

Svar

félags- og tryggingamálaráðherra við fyrirspurn Ásbjörns Óttarssonar um öryrkja.

     1.      Hver hefur verið þróun á fjölda öryrkja síðustu 10 ár?
    Taflan sýnir fjölda einstaklinga með 75% örorku- eða endurhæfingarmat 1. júlí:

1999	2000	2001	2002	2003	2004	2005	2006	2007	2008	2009
9.725	11.120	11.907	12.564	13.476	14.340	15.057	15.636	16.135	16.635*	16.586*
									(16.900)	(17.600)

^* Einstaklingar geta sótt um örorku tvö ár aftur í tímann. Þetta veldur því að nýjustu tölur um öryrkja eru vanáætlaðar í samanburði við eldri ár. Þegar fjöldi öryrkja (júlí 2006) var skoðaður 1. júlí 2006 var hann 14.546, en var orðinn 15.636 3. maí 2009, jókst um 1.090 einstaklinga.

    Fjöldi einstaklinga með 75% örorku- eða endurhæfingarmat 1. júlí 2009 er 16.586. Samkvæmt upplýsingum frá Tryggingastofnun ríkisins má gera ráð fyrir því að þessi fjöldi gæti aukist um u.þ.b. 1.000 einstaklinga með afturvirkum ákvörðunum um örorkumat næstu tvö árin. Ef ráða má af reynslu undangenginna ára má því reikna með að um 17.600 einstaklingar verði skráðir með 75% örorku- eða endurhæfingarmat 1. júlí 2009 þegar öll afturvirknin hefur skilað sér.
    Búast má við að fjöldi öryrkja 1. júlí 2008 gæti aukist um u.þ.b. 300 manns af sömu ástæðu og orðið um 16.900.

     2.      Hvernig er aldurssamsetningin?
     3.      Hvernig er kynjasamsetningin?
    Taflan sýnir fjölda einstaklinga með 75% örorku- eða endurhæfingarmat eftir aldri og kyni (1. júlí 2009):

Aldur	Karlar	Konur
16–19 ára	170	126
20–24 ára	349	332
25–29 ára	409	562
30–34 ára	444	681
35–39 ára	475	786
40–44 ára	622	1.048
45–49 ára	785	1.246
50–54 ára	906	1.373
55–59 ára	935	1.408
60–64 ára	1.087	1.633
65–66 ára	470	739
Samtals	6.652	9.934	. 16.586