Virðulegi forseti. Ég vil bera af mér sakir hér. Virðulegi forseti sér ástæðu til þess að áminna mig vegna orðavals í ræðu minni hér áðan. Ég vil gjarnan fá að heyra það frá virðulegum forseta hvað það er í orðavali mínu sem fer fyrir brjóstið á forsetanum. Ég tel þetta miklu frekar bera keim af því sem kom fram í umræðunni á undan að það má helst ekki ræða hér þau mál sem eru óþægileg fyrir þessa ríkisstjórn. Það er það sem mér finnst liggja í þessu. Ég óska eftir skýringum frá virðulegum forseta á þessari áminningu til mín.