ríkisábyrgð á lántöku Tryggingarsjóðs innstæðueigenda og fjárfesta.
Virðulegi forseti. Ég þakka hv. þingmanni fyrir hans ágæta og upplýsta svar. Við höfum vitanlega séð á síðustu missirum hér á Íslandi og annars staðar í heiminum að það er mjög erfitt að spá um þessa hluti í framtíðinni. Hjá Seðlabankanum, Alþjóðagjaldeyrissjóðnum, greiningardeildum bankanna hér og erlendis og greiningardeildum Evrópusambandsins hafa menn átt í vandræðum með að spá um framtíðina. Því er mjög skynsamlegt af þingmanninum að gefa mjög vel í þessa vexti.
Það sem ég er að reyna að átta mig á er hvort eitthvað í umhverfinu geri það að verkum að vextir gætu mögulega hækkað meira. Ég held ekki. Ég held að í efnahagskerfinu séu í raun ekki forsendur sem bjóða upp á það á næstu 5–15 árum jafnvel, því að (Forseti hringir.) þetta hrun sem varð í heiminum er svo stórt.