138. löggjafarþing — 65. fundur, 30. des. 2009.
ríkisábyrgð á lántöku Tryggingarsjóðs innstæðueigenda og fjárfesta.
76. mál
Frú forseti. Sú hugmynd að einkavæða gróðann en ríkisvæða tapið hugnast mér ekki. Þetta er ógeðslegt mál og ömurlegt á alla kanta. Það er vissulega skelfilegt að hugsa til þess fólks sem hefur tapað sparnaði sínum. Það breytir því ekki að við getum ekki tekið þessar byrðar á okkur, við ráðum ekki við þær án þess öryggisbúnaðar sem þingið smíðaði í sumar. Ég segi nei.