139. löggjafarþing — 95. fundur, 17. mars 2011.
stjórn vatnamála.
298. mál
Frú forseti. Ég styð málið efnislega og tel það þarft og brýnt. Ég gerði hins vegar grein fyrir fyrirvara mínum við málið í gær og ég vil endurtaka þá áskorun sem ég flutti þá um að þingheimur og allir sem hlýða á mál mitt reyni nú að finna nýtt og betra, skýrara, augljósara og hljómfegurra nafn en vatnshlot yfir þær vatnsheildir sem frumvarpið fjallar um. (Gripið fram í: Heyr, heyr.)