tilhögun þingfundar og tilkynning um dagskrá.
Forseti vill geta þess að atkvæðagreiðslur fara fram að loknum óundirbúnum fyrirspurnatíma. Að atkvæðagreiðslum loknum fer fram utandagskrárumræða um endurskoðun á tekjum af Lottói. Málshefjandi er hv. þm. Jón Gunnarsson. Innanríkisráðherra Ögmundur Jónasson verður til andsvara. Umræðan fer fram skv. 2. mgr. 50. gr. þingskapa og stendur í hálfa klukkustund.
Þá vill forseti geta þess að samkomulag er um að fundur geti staðið lengur í dag en þingsköp segja og gert er ráð fyrir að fleiri atkvæðagreiðslur verði síðar í dag.
Skrá yfir framlögð þingskjöl liggur á borðum þingmanna.