Virðulegi forseti. Það er ljóst að í þessu máli gildir hið fornkveðna að seint koma sumir en koma þó. Í þessu plaggi er margt ágætt en mikilvægi þess er kannski ekki mikið vegna annarrar vinnu sem ríkisstjórnin hefur látið fram fara eins og 20/20-áætlunin og annað slíkt. En vegna breytingartillögu þeirrar sem fram kemur þar sem lögð er áhersla á að jafna beri lífskjör allra Íslendinga þannig að þeir geti valið sér búsetu óháð efnahagslegum aðstæðum mun ég styðja málið en með þessum fyrirvara.