stjórn fiskveiða.
Herra forseti. Eins og hv. þingmaður vék að er í því frumvarpi sem liggur fyrir um meginbreytingar á fiskveiðistjórnarkerfinu gert ráð fyrir að þetta hlutfall sé hærra, það er alveg rétt. Þar ítrekast aftur stefna sjávarútvegsráðherra í þeim efnum.
Já, ég hef þá stefnu og þá bjargföstu trú að það sé grundvallaratriði fyrir þjóðina, fyrir sjávarútveginn í landinu, að við stöndum vörð um sjávarbyggðirnar. Sjávarútvegurinn og sá arður sem við tökum þar í gegn á ekki hvað síst að þjóna því pólitíska markmiði að standa vörð um, styrkja og efla sjávarbyggðirnar. (Gripið fram í.) Þetta þótti af ráðherra allnokkuð, eins og hv. þingmaður vék að, í umsögn fjármálaráðuneytisins, en það var ekki fjármálaráðherra heldur embættismenn fjármálaráðuneytisins sem komu með þá umsögn. Ég árétta (Forseti hringir.) að hérna er um pólitískt mál að ræða en ekki embættismannastig.