gjaldeyrismál og tollalög.
Hæstv. forseti. Mér finnst óhjákvæmilegt að taka undir þau sjónarmið sem hér hafa komið fram frá hv. þm. Guðlaugi Þór Þórðarsyni og hv. þm. Vigdísi Hauksdóttur sem fela í sér mjög málefnalegt innlegg til þess hvernig dagskrá fundarins er háttað. Hér stendur yfir umræða um tiltekið mál, framhald umræðu sem átti sér stað í vor. Þegar henni var hætt í vor var það gert á tilteknum forsendum sem fram koma í þingmálinu sem hér hefur verið vitnað til.
Ljóst er að ekki hefur verið efnt það sem að var stefnt á þeim tíma. Þess vegna er eðlilegt að málið sé sett á ís svo ráðrúm gefist til að standa við þau atriði sem fram koma í þingskjali 1750, á þessu löggjafarþingi, og eðlilegt er að þeirri ósk sé beint til forseta að gera hlé á málinu á meðan botn fæst í það.