Hæstv. forseti. Þetta frumvarp felur í sér verulega tiltekt í stjórnsýslunni eftir hrunið, m.a. samkvæmt ábendingum rannsóknarnefndar Alþingis. Þar á ég við bætta stjórnarhætti, að gera stjórnsýsluna skilvirkari og betri og gagnsærri og auðvelda breytingar á verkaskiptingu milli ráðuneyta í samræmi við ákvæði stjórnarskrárinnar.

Ég vil nota þetta tækifæri, virðulegi forseti, til að þakka allsherjarnefnd fyrir góða vinnu í þessu máli og þá niðurstöðu sem hér er fengin.