Hæstv. forseti. Með þeirri breytingartillögu sem hér liggur fyrir er lagt til að tilteknar ákvarðanir sem varða erfðabreyttar lífverur verði teknar aftur inn í frumvarpið en þær féllu út með breytingartillögum á fyrri stigum málsins. Ég geri athugasemd við þetta og tel að þarna mótist málið fullmikið af tortryggni í garð líftækniiðnaðar og þeirrar starfsemi og get þess vegna ekki fallist á að c-liður sé með þeim hætti sem nú liggur fyrir.