Aðrar útgáfur af skjalinu: PDF - Word Perfect. Ferill 756. máls.

---

139. löggjafarþing 2010–2011.
Þskj. 1466  —  756. mál.

Svar

utanríkisráðherra við fyrirspurn Þorgerðar K. Gunnarsdóttur um tvíhliða samninga við Evrópusambandið.

    Fyrirspurnin hljóðar svo:
     Hvaða tvíhliða samningar hafa verið gerðir við Evrópusambandið eftir að EES-samningurinn tók gildi?

    Eftirgreindir samningar hafa verið gerðir við Evrópusambandið eftir 1994 en eins og sjá má eru flestir þeirra gerðir ásamt fleiri ríkjum og eru því ekki hreinir tvíhliða samningar:

Ár	Samningur	Aths.
1996	Samningur í formi bréfaskipta um viðskipti með tilteknar landbúnaðarafurðir
1996	Viðbótarbókun við samninginn milli Efnahagsbandalags Evrópu og lýðveldisins Íslands í kjölfar aðildar lýðveldisins Austurríkis, lýðveldisins Finnlands og konungsríkisins Svíþjóðar að Evrópusambandinu
1999	Samningur í formi bréfaskipta milli Evrópubandalagsins annars vegar og lýðveldisins Íslands hins vegar um bókun 2 við samninginn milli Efnahagsbandalags Evrópu og lýðveldisins Íslands
1999	Samstarfssamningur Íslands og Noregs um þátttöku í Schengen-samstarfinu
2001	Samstarfssamningur við Europol
2003	Viðbótarbókun við fríverslunarsamning Íslands og ESB vegna aðildar lýðveldisins Tékklands, lýðveldisins Eistlands, lýðveldisins Kýpur, lýðveldisins Ungverjalands, lýðveldisins Lettlands, lýðveldisins Litháens, lýðveldisins Möltu, lýðveldisins Póllands, lýðveldisins Slóveníu og lýðveldisins Slóvakíu að Evrópusambandinu
2003	Samningur um aðild Tékklands, Eistlands, Kýpur, Lettlands, Litháen, Ungverjalands, Möltu, Póllands, Slóveníu og Slóvakíu að EES-samningnum
2003	Samningur milli Evrópusambandsins og lýðveldisins Íslands og konungsríkisins Noregs um beitingu tiltekinna ákvæða samningsins frá 29. maí 2000 um gagnkvæma réttaraðstoð í sakamálum milli aðildarríkja Evrópusambandsins og bókunar við hann frá 16. október 2001	Hefur ekki öðlast gildi
2005	Samningur Íslands og Evrópsku réttaraðstoðarinnar (Eurojust)
2005	Rammasamningur um þátttöku Íslands í hættustjórnunaraðgerðum á vegum ESB
2005	Bókun við samning milli Evrópubandalagsins og lýðveldisins Íslands og konungsríkisins Noregs um viðmiðanir og fyrirkomulag við að ákvarða hvaða ríki skuli fara með beiðni um hæli sem lögð er fram í aðildarríki eða á Íslandi eða í Noregi
2006	Aðildarsamkomulag Íslands og Evrópska lögregluskólans (Cepol)
2006	Samningur milli lýðveldisins Íslands og Evrópusambandsins um öryggisverklag vegna skipta á trúnaðarupplýsingum
2006	Fjölhliða samningur milli Evrópubandalagsins og aðildarríkja þess, lýðveldisins Albaníu, borgaralegrar stjórn-sýslu Sameinuðu þjóðanna í Kósóvó, Bosníu og Hersegóvínu, lýðveldisins Búlgaríu, lýðveldisins Íslands, lýðveldisins Króatíu, Makedóníu, fyrrum lýðveldis Júgóslavíu, konungsríkisins Noregs, Rúmeníu, lýðveldisins Serbíu og lýðveldisins Svartfjallalands um stofnun samevrópsks flugsvæðis	Hefur ekki öðlast gildi
2007	Samningur í formi bréfaskipta um viðskipti með landbúnaðarafurðir, sbr. 19. gr. EES-samningsins
2007	Samningur um dómsvald og um viðurkenningu og fullnustu dóma í einkamálum
2007	Samningur um þátttöku Lýðveldisins Búlgaríu og Rúmeníu í Evrópska efnahagssvæðinu og viðbótarbókun við hann.
2007	Samkomulag milli Evrópubandalagsins og lýðveldisins Íslands og Konungsríkisins Noregs um þátttöku þeirra ríkja í starfsemi Evrópustofnunar um framkvæmd samvinnu á ytri landamærum aðildarríkja Evrópusambandsins
2007	Samningur milli Evrópusambandsins og lýðveldisins Íslands og konungsríkisins Noregs um málsmeðferð við afhendingu milli aðildarríkja Evrópusambandsins og Íslands og Noregs (framsal sakamanna)	Hefur ekki öðlast gildi
2009	Samningur milli ríkisstjórnar Íslands og framkvæmdastjórnar Evrópubandalaganna um stofnun og um forréttindi og friðhelgi sendinefndar framkvæmdastjórnar Evrópubandalaganna á Íslandi
2009	Samningar um aðild Íslands og Noregs að loftferðasamningi ESB og Bandaríkjanna
2009	Samningur Íslands og Noregs um framkvæmd tiltekinna ákvæða ákvörðunar ESB nr. 2008/615/JHA um samstarf gegn hryðjuverkum og afbrotum þvert á landamæri
2010	Viðbótarbókun við samninginn milli Efnahagsbandalags Evrópu og lýðveldisins Íslands
2010	Samningur milli Evrópusambandsins, Íslands, Furstadæmisins Liechtensteins og Konungsríkisins Noregs um EES-fjármagnskerfið 2009–2014
2010	Samningur milli Evrópubandalagsins og lýðveldisins Íslands, Konungsríkisins Noregs, Ríkjasambandsins Sviss og Furstadæmisins Liechtensteins um viðbótarreglur um sjóðinn vegna ytri landamæra fyrir tímabilið 2007–2013
Ekki undirritaður	Samningur um þátttöku Íslands, Noregs, Liechtenstein og Sviss í nefndum framkvæmdastjórnar ESB á sviði Schengen-samstarfsins