Aðrar útgáfur af skjalinu: PDF - Word Perfect. Ferill 262. máls.
143. löggjafarþing 2013–2014.
Þingskjal 749 — 262. mál.
Fyrirspurnin hljóðar svo:
Hver er rannsóknavirkni, fjöldi rannsóknarstiga og fjöldi ritrýndra fræðigreina á hvern akademískan starfsmann við íslenska háskóla? Svar óskast sundurliðað eftir háskólum, deildum og stofnunum innan háskólanna.
Gögnum var safnað frá einstökum háskólum til að efna í framangreinda spurningu. Allir skólar gáfu upplýsingar um fjölda akademískra starfsmanna og birtingar þannig að mögulegt er að bera skólana saman í því samhengi. Þó má benda á að skilgreining á ritrýndri grein getur verið mismunandi eftir skólum. Háskóli Íslands og Háskólinn í Reykjavík sendu ítarlegri upplýsingar um birtingar, svo sem í bókum, bókatitlum og ráðstefnuritum. Benda má á að rannsóknarstig, sem eru beint tengd rannsóknarvirkni, eru aðallega notuð innan Háskóla Íslands og því ekki möguleiki á samanburði.
Akademískur starfsmaður er fastráðinn starfsmaður með akademískt hæfi sem stundar kennslu og rannsóknir við skólann. Þetta þýðir að rannsóknarvirkni lausráðins starfsfólks og stundakennara er ekki talin með. Miðað er við einstakling ekki ársverk.
Alls telur Háskóli Íslands að 732 akademískir starfsmenn hafi starfað við skólann árið 2012 og birt 1.064 ritrýndar tímaritsgreinar á því ári, þar af voru 78% í erlendum fagtímaritum. Birtingar á hvern akademískan starfsmann er því 1,45. Rannsóknarvirkni á ritrýndum vettvangi alls auk tímaritsgreina, þ.m.t. bækur, bókarkaflar og ráðstefnugreinar, var 2,09.
Við Háskólann á Akureyri voru 104 akademískir starfsmenn árið 2012. Akademískir starfsmenn HA birtu 74 ritrýndar tímaritsgreinar, sem gerir 0,7 á hvern akademískan starfsmann. Heildarfjöldi birtinga, þ.m.t. bækur, bókarkaflar og ráðstefnugreinar, var 118, sem gerir 1,13 á akademískan starfsmann.
Við Landbúnaðarháskóla Íslands starfaði 31 akademískur starfsmaður árið 2012 sem birti 17 ritrýndar tímaritsgreinar, sem þýðir 0,55 greinar á akademískan starfsmann.
Við Háskólann í Reykjavík voru akademískir starfsmenn alls 130 árið 2012 og birtu þeir 129 ritrýndar tímaritsgreinar, eða 1,0 á hvern akademískan starfsmann. Rannsóknarvirkni á ritrýndum vettvangi alls auk tímaritsgreina, þ.m.t. bækur, bókarkaflar og ráðstefnugreinar, var 2,5.
Við Háskólans á Bifröst birtust 5 ritrýndar greinar en akademískir starfsmenn eru 31, sem gerir 0,2 birtingar á hvern starfsmann. Háskólinn á Bifröst bendir á að þrír af þeirra starfsmönnum hafa skrifað fræðibækur 2012 og því dregur það úr fjölda ritrýndra greina.
Við Háskólann á Hólum starfar 41 akademískur starfsmaður í 18 stöðugildum. Alls birtu þeir 13 ritrýndar tímaritsgreinar á árinu, sem gerir 0,3 birtingar á hvern einstakling.
Við Listaháskóla Íslands starfa 62 akademískir starfsmenn sem inna af hendi 38 ársverk. Fagsvið Listaháskólans eru þess eðlis að rannsóknarvirkni hans birtist ekki nema að litlu leyti í greinum í ritrýndum tímaritum. LHÍ tekur saman upplýsingar um birtingar hjá fastráðnum akademískum starfsmönnum og árið 2012 voru þær 4, sem þýðir 0,1 birting á hvern einstakan starfsmann.
143. löggjafarþing 2013–2014.
Þingskjal 749 — 262. mál.
Svar
mennta- og menningarmálaráðherra við fyrirspurn frá Haraldi Benediktssyni um rannsóknir akademískra starfsmanna háskóla.
Fyrirspurnin hljóðar svo:
Hver er rannsóknavirkni, fjöldi rannsóknarstiga og fjöldi ritrýndra fræðigreina á hvern akademískan starfsmann við íslenska háskóla? Svar óskast sundurliðað eftir háskólum, deildum og stofnunum innan háskólanna.
Gögnum var safnað frá einstökum háskólum til að efna í framangreinda spurningu. Allir skólar gáfu upplýsingar um fjölda akademískra starfsmanna og birtingar þannig að mögulegt er að bera skólana saman í því samhengi. Þó má benda á að skilgreining á ritrýndri grein getur verið mismunandi eftir skólum. Háskóli Íslands og Háskólinn í Reykjavík sendu ítarlegri upplýsingar um birtingar, svo sem í bókum, bókatitlum og ráðstefnuritum. Benda má á að rannsóknarstig, sem eru beint tengd rannsóknarvirkni, eru aðallega notuð innan Háskóla Íslands og því ekki möguleiki á samanburði.
Akademískur starfsmaður er fastráðinn starfsmaður með akademískt hæfi sem stundar kennslu og rannsóknir við skólann. Þetta þýðir að rannsóknarvirkni lausráðins starfsfólks og stundakennara er ekki talin með. Miðað er við einstakling ekki ársverk.
Alls telur Háskóli Íslands að 732 akademískir starfsmenn hafi starfað við skólann árið 2012 og birt 1.064 ritrýndar tímaritsgreinar á því ári, þar af voru 78% í erlendum fagtímaritum. Birtingar á hvern akademískan starfsmann er því 1,45. Rannsóknarvirkni á ritrýndum vettvangi alls auk tímaritsgreina, þ.m.t. bækur, bókarkaflar og ráðstefnugreinar, var 2,09.
Við Háskólann á Akureyri voru 104 akademískir starfsmenn árið 2012. Akademískir starfsmenn HA birtu 74 ritrýndar tímaritsgreinar, sem gerir 0,7 á hvern akademískan starfsmann. Heildarfjöldi birtinga, þ.m.t. bækur, bókarkaflar og ráðstefnugreinar, var 118, sem gerir 1,13 á akademískan starfsmann.
Við Landbúnaðarháskóla Íslands starfaði 31 akademískur starfsmaður árið 2012 sem birti 17 ritrýndar tímaritsgreinar, sem þýðir 0,55 greinar á akademískan starfsmann.
Við Háskólann í Reykjavík voru akademískir starfsmenn alls 130 árið 2012 og birtu þeir 129 ritrýndar tímaritsgreinar, eða 1,0 á hvern akademískan starfsmann. Rannsóknarvirkni á ritrýndum vettvangi alls auk tímaritsgreina, þ.m.t. bækur, bókarkaflar og ráðstefnugreinar, var 2,5.
Við Háskólans á Bifröst birtust 5 ritrýndar greinar en akademískir starfsmenn eru 31, sem gerir 0,2 birtingar á hvern starfsmann. Háskólinn á Bifröst bendir á að þrír af þeirra starfsmönnum hafa skrifað fræðibækur 2012 og því dregur það úr fjölda ritrýndra greina.
Við Háskólann á Hólum starfar 41 akademískur starfsmaður í 18 stöðugildum. Alls birtu þeir 13 ritrýndar tímaritsgreinar á árinu, sem gerir 0,3 birtingar á hvern einstakling.
Við Listaháskóla Íslands starfa 62 akademískir starfsmenn sem inna af hendi 38 ársverk. Fagsvið Listaháskólans eru þess eðlis að rannsóknarvirkni hans birtist ekki nema að litlu leyti í greinum í ritrýndum tímaritum. LHÍ tekur saman upplýsingar um birtingar hjá fastráðnum akademískum starfsmönnum og árið 2012 voru þær 4, sem þýðir 0,1 birting á hvern einstakan starfsmann.
Sundurliðaðar upplýsingar fyrir hvern háskóla.
| Háskóli Íslands | Ritrýndar greinar |
| Félagsvísindasvið | 122 |
| Heilbrigðisvísindasvið | 375 |
| Hugvísindasvið | 94 |
| Menntavísindasvið | 98 |
| Verkfræði- og náttúruvísindasvið | 375 |
| Rannsóknastofnanir HÍ | 30 |
| Samtals | 1064 |
| Fjöldi akademískra starfsmanna | 732 |
| Ársverk akademískra starfsmanna | - |
| Birtingar á hvern akademískan starfsmann | 1,45 |
| Háskólinn á Akureyri | Ritrýndar greinar |
| Hug- og félagsvísindasvið | 29 |
| Heilbrigðisvísindasvið | 16 |
| Viðskipta- og raunvísindasvið | 22 |
| Aðrar stofnanir | 7 |
| Samtals | 74 |
| Fjöldi akademískra starfsmanna | 104 |
| Ársverk akademískra starfsmanna | 91 |
| Birtingar á hvern akademískan starfsmann | 0,7 |
| Landbúnaðarháskóli Íslands | Ritrýndar greinar |
| Auðlindadeild | 10 |
| Umhverfisdeild | 7 |
| Samtals | 17 |
| Fjöldi akademískra starfsmanna | 31 |
| Ársverk akademískra starfsmanna | 31 |
| Birtingar á hvern akademískan starfsmann | 0,5 |
| Háskólinn í Reykjavík | Ritrýndar greinar |
| Viðskiptadeild | 38 |
| Tölvunarfræðideild | 15 |
| Lagadeild | 4 |
| Tækni- og verkfræðideild | 72 |
| Samtals | 129 |
| Fjöldi akademískra starfsmanna | 130 |
| Ársverk akademískra starfsmanna | 90 |
| Birtingar á hvern akademískan starfsmann | 1,0 |
| Háskólinn á Bifröst | Ritrýndar greinar |
| Félagsvísindasvið | 4 |
| Viðskiptasvið | 1 |
| Samtals | 5 |
| Fjöldi akademískra starfsmanna | 31 |
| Ársverk akademískra starfsmanna | 20 |
| Birtingar á hvern akademískan starfsmann | 0,2 |
| Háskólinn á Hólum | Ritrýndar greinar |
| Fiskeldis- og fiskalíffræðideild | 12 |
| Hestafræðideild | 1 |
| Samtals | 13 |
| Fjöldi akademískra starfsmanna | 41 |
| Ársverk akademískra starfsmanna | 17,8 |
| Birtingar á hvern akademískan starfsmann | 0,3 |
| Listaháskóli Íslands | Ritrýndar greinar |
| Hönnunar- og arkitektúrdeild | 1 |
| Listkennsludeild | 1 |
| Tónlistardeild | 2 |
| Samtals | 4 |
| Fjöldi akademískra starfsmanna | 62 |
| Ársverk akademískra starfsmanna | 38 |
| Birtingar á hvern akademískan starfsmann | 0,12 |
