Ferill 134. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Þingskjal 274 — 134. mál.
Svar
utanríkisráðherra við fyrirspurn frá Guðlaugi Þór Þórðarsyni
um innleiðingu EES-gerða.
1. Hversu margar gerðir hafa stofnanir Evrópusambandsins samþykkt og gefið út á ári hverju 2005–2014?
Í eftirfarandi töflu er sýndur fjöldi gerða, þ.e. tilskipana, reglugerða og ákvarðana, sem stofnanir Evrópusambandsins hafa samþykkt á ári hverju 2005–2014.
Ár | Tilskipanir | Reglugerðir | Ákvarðanir |
2005 | 90 | 2177 | 721 |
2006 | 142 | 2021 | 802 |
2007 | 76 | 1570 | 775 |
2008 | 124 | 1343 | 783 |
2009 | 166 | 1284 | 742 |
2010 | 91 | 1254 | 713 |
2011 | 100 | 1385 | 850 |
2012 | 53 | 1273 | 745 |
2013 | 78 | 1420 | 711 |
2014 | 97 | 1393 | 894 |
Um er að ræða gerðir á öllum málasviðum Evrópusambandsins, einnig þeim sviðum sem falla ekki undir gildissvið EES-samningsins. Jafnframt eru þar taldir með úrskurðir í formi ákvarðana sem kunna að beinast að fyrirtækjum en samsvarandi ákvarðanir í tveggja stoða kerfinu eru teknar af Eftirlitsstofnun EFTA.
2. Hversu margar þessara gerða hafa verið teknar upp í EES-samninginn, sbr. lög um Evrópska efnahagssvæðið, nr. 2/1993, og innleiddar hér á landi í samræmi við skuldbindingar Íslands samkvæmt honum?
Í eftirfarandi töflu er sýndur fjöldi gerða sem tekinn hefur verið upp í EES-samninginn ár hvert á tímabilinu 2005–2014. Tölur í svigum sýna fjölda ákvarðana sameiginlegu EES- nefndarinnar (ÁSN) á ári á sama tímabili.
Ár | Fjöldi gerða | |
2005 | 312 | (156 ÁSN ) |
2006 | 340 | (159 ÁSN ) |
2007 | 415 | (170 ÁSN ) |
2008 | 218 | (130 ÁSN ) |
2009 | 283 | (159 ÁSN ) |
2010 | 346 | (139 ÁSN ) |
2011 | 372 | (164 ÁSN ) |
2012 | 486 | (233 ÁSN ) |
2013 | 400 | (235 ÁSN ) |
2014 | 627 | (291 ÁSN ) |
Langflestar þessara gerða eiga við um Ísland og hafa verið innleiddar hér á landi. Þó ber að taka fram að inni í þessum tölum eru einstaka gerðir sem ekki eiga við um Ísland, t.d. gerðir er varða viðskipti með lifandi dýr.
3. Hversu margar fyrrgreindra gerða hafa krafist lagabreytinga við innleiðingu hér á landi?
Í eftirfarandi töflu er sýndur áætlaður fjöldi gerða sem tekinn hefur verið upp í EES- samninginn og krafist hefur lagabreytinga ár hvert á tímabilinu 2005–2014. Tölur í svigum sýna fjölda ákvarðana sameiginlegu EES-nefndarinnar (ÁSN) á ári á sama tímabili sem tekinn hefur verið með stjórnskipulegum fyrirvara, sbr. 103. gr. EES-samningsins, en slíkur fyrirvari er gerður þegar ákvörðun krefst lagabreytingar.
Ár | Fjöldi gerða |
|
2005 | 17 | (11 ÁSN ) |
2006 | 25 | (18 ÁSN ) |
2007 | 92 | (21 ÁSN ) |
2008 | 29 | (17 ÁSN ) |
2009 | 35 | (19 ÁSN ) |
2010 | 30 | (17 ÁSN ) |
2011 | 31 | (10 ÁSN ) |
2012 | 25 | (17 ÁSN ) |
2013 | 15 | (11 ÁSN ) |
2014 | 7 | (4 ÁSN ) |