Ferill 527. máls. Aðrar útgáfur af skjalinu: PDF - Word Perfect.
146. löggjafarþing 2016–2017.
Þingskjal 763 — 527. mál.
Fyrirspurn
til utanríkisráðherra um væntanlegar breytingar á EES-samningnum.
Frá Dóru Sif Tynes.
1. Hvenær væntir ráðherra þess að viðræður um uppsögn Breta á EES-samningnum skv. 127. gr. samningsins hefjist?
2. Hafa EFTA-ríkin rætt um sameiginleg samningsmarkmið vegna væntanlegra breytinga á EES-samningnum við uppsögn Breta?
3. Hafa EFTA-ríkin rætt hvert hlutverk EFTA-skrifstofunnar verður í slíkum viðræðum?
4. Liggur fyrir mat á starfsmannaþörf EFTA-skrifstofunnar vegna þessa verkefnis, t.d. með tilliti til breytinga sem nauðsynlegt er að gera á EES-samningnum?
Skriflegt svar óskast.
