Ferill 532. máls. Aðrar útgáfur af skjalinu: PDF - Word Perfect.
146. löggjafarþing 2016–2017.
Þingskjal 768 — 532. mál.
Fyrirspurn
til mennta- og menningarmálaráðherra um einkavæðingu Fjölbrautaskólans við Ármúla.
Frá Svandísi Svavarsdóttur.
1. Hvað er gert ráð fyrir að Tækniskólinn greiði fyrir Fjölbrautaskólann við Ármúla og þær eignir sem honum fylgja?
2. Hvert er virði þeirra eigna, í íslenskum krónum, sem gert er ráð fyrir að renni til Tækniskólans frá íslenska ríkinu við sameiningu við Fjölbrautaskólann við Ármúla? Hverjar eru þessar eignir?
3. Hver verður eignarhlutur íslenska ríkisins í Tækniskólanum að lokinni sameiningu við Fjölbrautaskólann við Ármúla?
Skriflegt svar óskast.
