Ferill 122. máls. Aðrar útgáfur af skjalinu: PDF - Word Perfect.
148. löggjafarþing 2017–2018.
Þingskjal 191 — 122. mál.
Fyrirspurn
til heilbrigðisráðherra um aðgengi að geðheilbrigðisþjónustu.
Frá Olgu Margréti Cilia.
1. Hvernig miðar vinnu að því marki í aðgerðaáætlun í geðheilbrigðismálum að aðgengi að gagnreyndri meðferð sálfræðinga við algengustu geðröskunum, svo sem þunglyndi, kvíðaröskunum og áfallastreitu, verði á 90% heilsugæslustöðva í lok árs 2019, sbr. lið A3 í þingsályktun nr. 28/145?
2. Náðist það markmið samkvæmt sama lið að fyrrgreind meðferð sálfræðinga yrði aðgengileg á 50% heilsugæslustöðva í árslok 2017? Ef svo var ekki, hvert var hlutfallið?
3. Hvernig er árangur mælanlegra markmiða sama liðar í þingsályktuninni mældur?
4. Hyggst ráðherra beita sér að öðru leyti að því að koma upp aðgengilegu kerfi fyrir þá sem þurfa á aðstoð að halda vegna geðsjúkdóma og þá hvernig?
5. Er fyrirhugað að sálfræðiþjónusta sem veitt er utan heilsugæslustöðva verði felld undir sjúkratryggingar á kjörtímabilinu? Ef svo er, hvenær telur ráðherra að sú breyting muni koma til? Ef svo er ekki, hvers vegna?
Skriflegt svar óskast.
