Ferill 276. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 307 — 276. mál.
Fyrirspurn
til mennta- og menningarmálaráðherra um endurskoðun námslánakerfisins.
Frá Guðmundi Andra Thorssyni.
1. Hefur verið haft nægilegt samráð við námsmenn við endurskoðun á lögum um Lánasjóð íslenskra námsmanna og komið til móts við óskir þeirra, en í sáttmála ríkisstjórnarflokkanna segir að ráðist verði í endurskoðun námslánakerfisins í samstarfi við námsmannahreyfingarnar?
2. Er gert ráð fyrir auknum fjárveitingum til Lánasjóðs íslenskra námsmanna í samræmi við kostnað sem fylgir innleiðingu styrkjakerfis að norrænni fyrirmynd sem gefin eru fyrirheit um í sáttmála ríkisstjórnarflokkanna?
3. Mun ráðherra leggja til að vaxtastig námslána verði hækkað og tekjutengdar afborganir afnumdar af lánakjörum lántakenda?
Skriflegt svar óskast.
