Ferill 774. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 1735 — 774. mál.
2. umræða.
Breytingartillaga
við frumvarp til laga um frystingu fjármuna og skráningu aðila á lista yfir þvingunaraðgerðir í tengslum við fjármögnun hryðjuverka og útbreiðslu gereyðingarvopna.
Frá utanríkismálanefnd.
1. Í stað orðanna „Tilgangur laga þessara“ í 1. gr. komi: Markmiðið með lögum þessum.
2. Við 2. gr.
a. Á undan orðunum „samkvæmt skilgreiningu laga“ í 5. tölul. komi: Fjármögnun.
b. Á eftir 8. tölul. komi nýr töluliður, svohljóðandi: Listi yfir þvingunaraðgerðir: Breytilegur listi yfir einstaklinga, samtök, hópa eða lögaðila sem alþjóðleg þvingunaraðgerð í skilningi laga um framkvæmd alþjóðlegra þvingunaraðgerða, nr. 93/2008, beinist gegn.
3. Í stað orðanna „alþjóðlegar þvingunaraðgerðir og“ í 1. mgr. 4. gr. komi: framkvæmd alþjóðlegra þvingunaraðgerða, nr. 93/2008, til að.
4. Á eftir orðinu „undanþágu“ í 3. mgr. 5. gr. komi: frá frystingu fjármuna.
5. Í stað „i–n-lið“ í 2. mgr. 7. gr. komi: i–s-lið.
6. Við 8. gr.
a. 1. mgr. orðist svo:
Þrátt fyrir að grunur liggi ekki fyrir um refsivert athæfi er lögreglu heimilt að hefja rannsókn á aðila samkvæmt ákvæðum laga um meðferð sakamála ef réttmætur grundvöllur eða réttmætar ástæður eru til að ætla að hann uppfylli skilyrði fyrir skráningu á lista yfir þvingunaraðgerðir skv. 9., 10. eða 11. gr.
b. Fyrirsögn greinarinnar verði: Rannsókn vegna tilnefningar á lista yfir þvingunaraðgerðir.
7. 1. málsl. 5. mgr. 9. gr. orðist svo: Tilnefna skal aðila á lista yfir þvingunaraðgerðir ef réttmætur grundvöllur eða réttmætar ástæður eru fyrir tilnefningu hans.
8. Í stað orðanna „aðstæðum sem nefndar eru í a–c-lið í 1. mgr. eru til staðar“ í 2. mgr. 14. gr. komi: atriðum sem nefnd eru í 1. mgr. eiga við.
9. Í stað „3. mgr.“ í 5. mgr. 16. gr. komi: 4. mgr.
10. Í stað „3. mgr.“ í 1. málsl. 19. gr. komi: 4. mgr.
11. Við 20. gr.
a. Í stað „3. mgr.“ í 3. mgr. komi: 2. mgr.
b. Í stað „3.–5. mgr.“ í 6. mgr. komi: 2.–4. mgr.
