Ferill 1. máls. Aðrar útgáfur af skjalinu: PDF - Word Perfect.
150. löggjafarþing 2019–2020.
Þingskjal 446 — 1. mál.
2. umræða.
Breytingartillaga
við frumvarp til fjárlaga fyrir árið 2020.
Frá meiri hluta fjárlaganefndar (WÞÞ, HarB, NTF, PállM, SÞÁ).
1. Við 6. gr. Nýir liðir:
2.22 Að selja fasteignir í eigu ríkisins á Vífilsstöðum sem nýtast ekki undir starfsemi á vegum ríkisins.
2.23 Að selja eða leigja fasteignir í eigu ríkisins við Kópavogsbraut 5a–c, Kópavogi.
2.24 Að selja íþróttahús í eigu ríkisins við Stakkahlíð, Reykjavík.
2. Við 6. gr. Nýr liður:
3.14 Að selja eignarhlut ríkisins í skrifstofuhúsnæði að Flugvallarvegi 13 við Egilsstaðaflugvöll.
3. Við 6. gr. Nýr liður:
5.9 Að koma á fót hlutafélagi með allt að 100 m.kr. hlutafé sem hafi það hlutverk að annast minni fjárfestingar fyrir hönd stofnana ríkisins.
4. Við 6. gr. Nýir liðir:
6.22 Að kaupa eða leigja hentugt viðbótarhúsnæði fyrir Þjóðleikhúsið vegna fyrirhugaðs samstarfs við Íslenska dansflokkinn.
6.23 Að kaupa að tillögu Þjóðminjasafns Íslands landspildu ásamt húsum og mannvirkjum úr landi Keldna á Rangárvöllum.
6.24 Að nýta eignir sem heimilt er að selja sem endurgjald við kaup og leigu skrifstofu- eða atvinnuhúsnæðis vegna þarfa ríkisins.
6.25 Að leigja eða kaupa húsnæði sem nýtist sem stækkun á flugstöðinni á Akureyrarflugvelli.
5. Við 6. gr. Nýr liður:
7.25 Að selja varðskipin Ægi og Tý og kaupa eða leigja hagkvæmari skip í staðinn.