Ferill 291. máls. Aðrar útgáfur af skjalinu: PDF - Word Perfect.
151. löggjafarþing 2020–2021.
Þingskjal 763 — 291. mál.
Svar
sjávarútvegs- og landbúnaðarráðherra við fyrirspurn frá Þorsteini Sæmundssyni um upplýsingafulltrúa og samskiptastjóra.
1. Eru upplýsingafulltrúar eða samskiptastjórar starfandi í ráðuneytinu? Ef svo er, hver er árlegur heildarkostnaður síðustu tíu ár vegna starfa viðkomandi, sundurliðað í laun og annan kostnað?
Upplýsingafulltrúi er starfandi í ráðuneytinu og sinnir verkefnum fyrir sjávarútvegs- og landbúnaðarráðherra og ferðamála-, iðnaðar- og nýsköpunarráðherra. Árlegan launakostnað síðustu átta ára með launatengdum gjöldum vegna þessarar stöðu má sjá í eftirfarandi töflu:
Ár | Launatengd gjöld |
2012 1 | 2.715.174 |
2013 | 9.252.352 |
2014 | 8.993.449 |
2015 | 9.548.924 |
2016 | 10.284.864 |
2017 | 11.515.360 |
2018 | 11.845.514 |
2019 | 11.697.951 |
2. Eru upplýsingafulltrúar eða samskiptastjórar starfandi hjá undirstofnunum ráðuneytisins? Ef svo er, hver er árlegur heildarkostnaður hverrar stofnunar síðustu tíu ár vegna starfa viðkomandi, sundurliðað í laun og annan kostnað?
Undirstofnanir ráðuneytisins heyra undir tvo ráðherra, sjávarútvegs- og landbúnaðarráðherra annars vegar og ferðamála-, iðnaðar- og nýsköpunarráðherra hins vegar.
Hjá þeim stofnunum sem heyra undir ferðamála-, iðnaðar- og nýsköpunarráðherra eru ekki starfandi upplýsingafulltrúar eða samskiptastjórar.
Af þeim stofnunum sem heyra undir sjávarútvegs- og landbúnaðarráðherra er starfandi upplýsingafulltrúi hjá Matvælastofnun. Árlegan launakostnað síðustu tíu ára með launatengdum gjöldum vegna þessarar stöðu má sjá í eftirfarandi töflu:
Ár | Launatengd gjöld |
2010 | 5.627.191 |
2011 | 5.871.978 |
2012 | 5.664.852 |
2013 | 6.430.516 |
2014 | 6.569.125 |
2015 | 6.768.894 |
2016 | 5.417.481 |
2017 | 8.682.101 |
2018 | 9.354.741 |
2019 | 11.697.951 |
1 Ekki er unnt að taka saman upplýsingar um laun og annan kostnað fyrir stofnun atvinnuvega- og nýsköpunarráðuneytisins í september 2012.