Ferill 712. máls. Aðrar útgáfur af skjalinu: PDF - Word Perfect.
151. löggjafarþing 2020–2021.
Prentað upp.
Þingskjal 1677 — 712. mál.
Viðbót.
2. umræða.
Breytingartillaga
við frumvarp til laga um umhverfismat framkvæmda og áætlana.
Frá Kolbeini Óttarssyni Proppé.
1. 2. mgr. 37. gr. orðist svo:
Ákvæði 7. gr. og e-liðar 1. tölul. 38. gr. koma til framkvæmda 1. desember 2022.
2. Við 38. gr.
a. Við 1. tölul. bætist fjórir nýir liðir, svohljóðandi:
1. Eftirfarandi breytingar verða á 24. gr. laganna:
a. Við 1. málsl. bætist: og skal tillagan vera aðgengileg á netinu.
b. 2. málsl. fellur brott.
2. Eftirfarandi breytingar verða á 1. mgr. 31. gr. laganna:
a. Við 2. málsl. bætist: og vera aðgengileg á netinu.
b. 3. málsl. fellur brott.
3. 2. málsl. 1. mgr. 41. gr. laganna fellur brott.
4. Við 46. gr. laganna bætist ný málsgrein, svohljóðandi:
Skipulagsstofnun skal starfrækja landfræðilega gagna- og samráðsgátt um gerð landsskipulagsstefnu og skipulagsáætlana, þ.m.t. skipulag haf- og strandsvæða, umhverfismat og framkvæmdaleyfi. Nota skal gáttina við skipulagsgerð og útgáfu framkvæmdaleyfa og skulu allar umsagnir berast í gáttina. Aðgangur að gáttinni skal vera öllum opinn og án endurgjalds.
b. Við bætist nýr töluliður, svohljóðandi: Lög um skipulag haf- og strandsvæða, nr. 88/2018: Eftirfarandi breytingar verða á 2. mgr. 12. gr. laganna:
a. Við 2. málsl. bætist: og vera aðgengileg á vef.
b. 3. málsl. fellur brott.