Ferill 850. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 1315 — 850. mál.
Fyrirspurn
til utanríkisráðherra um aðild Íslands að kjarnavopnalausu svæði á Norðurlöndum.
Frá Andrési Inga Jónssyni.
1. Hvaða áhrif hafa skuldbindingar Íslands gagnvart NATO á möguleika landsins til að verða hluti af kjarnavopnalausu svæði á Norðurlöndum?
2. Gætu einhverjar skuldbindingar Íslands gagnvart NATO hindrað að Ísland verði hluti af kjarnavopnalausu svæði á Norðurlöndum? Ef svo er, hverjar eru þær skuldbindingar?
3. Hvert er álit ráðherra á þeirri skoðun að Ísland geti ekki orðið hluti af kjarnavopnalausu svæði á Norðurlöndum vegna hernaðartengsla Íslands við Bandaríkin?
4. Er afstaða ráðherra í þessum atriðum sú sama og fram kom í svari við sambærilegri fyrirspurn á 104. löggjafarþingi (338. mál)? Ef ekki, er þess óskað að ráðherra geri grein fyrir því hvað valdi breyttri afstöðu stjórnvalda.
Skriflegt svar óskast.