Ferill 280. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Prentað upp.
Þingskjal 283 — 280. mál.
Leiðréttur texti.
Fyrirspurn
til menningar- og viðskiptaráðherra um heimild til færslu bókhalds í öðrum gjaldmiðlum en krónu.
Frá Þorbjörgu Sigríði Gunnlaugsdóttur.
1. Hversu mörg einkafyrirtæki og einkafélög höfðu árið 2023 heimild hjá ársreikningaskrá skv. 7. gr. laga um ársreikninga til að færa bókhaldsbækur í erlendum gjaldmiðli og semja og birta ársreikninga í erlendum gjaldmiðli í stað íslenskrar krónu?
2. Hversu mörg opinber fyrirtæki og félög höfðu árið 2023 heimild hjá ársreikningaskrá skv. 7. gr. laga um ársreikninga til að færa bókhaldsbækur í erlendum gjaldmiðli og semja og birta ársreikninga í erlendum gjaldmiðli í stað íslenskrar krónu?
3. Hver var skipting þessara félaga og fyrirtækja milli atvinnugreina samkvæmt atvinnugreinaflokkun Hagstofu Íslands?
4. Hvaða gjaldmiðlar voru notaðir í stað íslenskrar krónu?
5. Hversu mörg fyrirtæki sóttu um og hversu mörg fengu heimild til að færa bókhaldsbækur og semja og birta ársreikninga í erlendum gjaldmiðli í stað íslenskrar krónu?
6. Á hvaða grundvelli höfðu þessi fyrirtæki og félög óskað eftir því að færa bókhaldsbækur í erlendum gjaldmiðli?
Skriflegt svar óskast.