Ferill 160. máls. Aðrar útgáfur af skjalinu: PDF - Word Perfect.
157. löggjafarþing 2025–2026.
Þingskjal 166 — 160. mál.
Fyrirspurn
til innviðaráðherra um öryggismál í jarðgöngum.
Frá Ingibjörgu Isaksen.
1. Hvernig hefur Vegagerðin brugðist við úrskurði ráðuneytisins frá árinu 2024 um kostnaðarskyldu vegna brunavarna í jarðgöngum samkvæmt lögum um brunavarnir og reglugerð nr. 614/2004?
2. Hvaða áætlanir liggja fyrir hjá ráðuneytinu og Vegagerðinni um afhendingu og dreifingu öryggisbúnaðar til slökkviliða sem sinna jarðgöngum?
3. Hver er staðan á gerð og kynningu leiðbeininga um viðbragðsáætlanir og öryggismat í jarðgöngum?
4. Hvaða aðgerðir hefur verið ráðist í til að stuðla að æfingum og samstarfi milli slökkviliða, Vegagerðarinnar og HMS vegna öryggismála í jarðgöngum? Ef ráðist hefur verið í aðgerðir eða vinnu hefur sú vinna verið unnin í samráði við slökkviliðin og hagsmunaaðila?
5. Eru uppi áform innan ráðuneytisins um tímabundnar úrbætur eða lausnir í öryggismálum í jarðgöngum á meðan vinna við varanlegt öryggiskerfi stendur yfir?
Skriflegt svar óskast.
