Ferill 198. máls. Aðrar útgáfur af skjalinu: PDF - Word Perfect.
157. löggjafarþing 2025–2026.
Þingskjal 226 — 198. mál.
Fyrirspurn
til mennta- og barnamálaráðherra um sérúrræði.
Frá Ingibjörgu Isaksen.
1. Hvernig eru sérúrræði og heilbrigðistengd stuðningsúrræði innan menntakerfisins skilgreind og flokkuð, og hvaða aðilar bera ábyrgð á kostnaði þeim tengdum?
2. Hversu mikill hluti útgjalda menntakerfisins fer til slíkra úrræða, sundurliðað eftir skólastigum og þjónustuflokkum?
3. Hefur ráðuneytið eða Hagstofa Íslands metið hvernig þessi flokkun hefur áhrif á samanburð Íslands við önnur OECD-lönd hvað varðar útgjöld til menntamála?
4. Er unnið að því, í samráði við heilbrigðisráðuneyti, að greina eða endurskoða verkaskiptingu milli heilbrigðiskerfisins og menntakerfisins með það fyrir augum að ná fram skýrari aðgreiningu milli mennta- og heilbrigðisþjónustu?
Skriflegt svar óskast.
