Ferill 207. máls. Aðrar útgáfur af skjalinu: PDF - Word Perfect.

157. löggjafarþing 2025–2026.
Þingskjal 237  —  207. mál.



Fyrirspurn


til félags- og húsnæðismálaráðherra um félagsþjónustu sveitarfélaga.

Frá Ingibjörgu Davíðsdóttur.


     1.      Hefur ráðherra í hyggju að beita sér fyrir breytingu á lögum um félagsþjónustu sveitarfélaga, nr. 40/1991, þannig að ríkissjóði verði heimilt að endurgreiða sveitarfélögum fjárhagsaðstoð við erlenda ríkisborgara sem átt hafa lögheimili á Íslandi lengur en tvö ár? Ef svo er, hvenær verður frumvarp þar að lútandi lagt fram?
     2.      Hyggst ráðherra bregðast við ákalli Borgarbyggðar um að mæta kostnaði vegna fjölda flóttamanna sem búa á Bifröst, þar á meðal barna og eldri borgara? Ef svo er, með hvaða hætti?
     3.      Hver er ábyrgð ráðuneytisins á núverandi stöðu á Bifröst og hvernig hyggst ráðuneytið bregðast við?


Skriflegt svar óskast.

Greinargerð.

    Í minnisblaði frá Borgarbyggð frá 12. maí 2025, sem var sent á alla þingmenn í Norðvesturkjördæmi ásamt ráðherra, kemur fram að sveitarfélagið hefur ekki verið haft með í ráðum um þessa þróun, á hvorki húsnæðið né landið á Bifröst en fær hins vegar sendan reikninginn. Fram kemur að sveitarfélagið hefur varað við því að Bifröst sé ekki ákjósanlegur staður fyrir búsetu flóttamanna með tilliti til atvinnuþátttöku eða þjónustu. Ljóst er að bæði fjárhagslega og félagslega er þetta óviðunandi staða fyrir sveitarfélagið.