Ferill 373. máls. Aðrar útgáfur af skjalinu: PDF - Word Perfect.
157. löggjafarþing 2025–2026.
Þingskjal 608 — 373. mál.
Fyrirspurn
til heilbrigðisráðherra um stöðu barna og ungmenna með tal- og málþroskaröskun.
Frá Þórdísi Kolbrúnu Reykfjörð Gylfadóttur.
1. Með hvaða hætti hefur verið unnið að úrbótum í málefnum barna og ungmenna með tal- og málþroskaröskun, byggt á þeim ábendingum og athugasemdum sem fram komu í skýrslu mennta- og menningarmálaráðherra árið 2012 um stöðu hópsins?
2. Hversu mörg börn og ungmenni hafa verið greind með tal- eða málþroskaröskun hér á landi á síðustu 15 árum? Hversu mörg þeirra hafa jafnframt verið greind með einhverfu? Er mögulegt að flokka hópinn eftir alvarleika raskana, þ.e. frá vægri seinkun málþroska yfir í alvarleg frávik, einstaklinga með sértækar raskanir, fötlunargreiningar eða almennan seinþroska?
3. Hversu mörg börn sem hafa verið greind með tal- eða málþroskaröskun bíða nú eftir þjónustu og hversu lengi hafa þau verið á biðlista?
4. Í hvaða tilvikum er þörf á aðkomu Sjúkratrygginga Íslands vegna slíkrar þjónustu?
5. Með hvaða hætti skiptist kostnaður af þjónustunni milli ríkis, sveitarfélaga og forráðamanna?
Skriflegt svar óskast.
