Ferill 517. máls. Aðrar útgáfur af skjalinu: PDF - Word Perfect.
157. löggjafarþing 2025–2026.
Þingskjal 879 — 517. mál.
Fyrirspurn
til mennta- og barnamálaráðherra um meðferðarúrræði fyrir ungmenni sem glíma við geð- og fíknivanda.
Frá Höllu Hrund Logadóttur.
1. Hvenær telur ráðherra að hægt verði að bjóða upp á markvissa, samþætta og heildstæða meðferð fyrir ungmenni sem glíma við geð- og fíknivanda og hvaða aðilar bera ábyrgð á innleiðingu og rekstri slíkra úrræða?
2. Telur ráðherra að leysa þurfi vandamál tengd rofi á þjónustu við 18 ára aldur sem getur grafið undan bataferli og aukið líkur á fráhvarfi úr meðferð og bakslagi?
3. Telur ráðherra raunhæft að ríkið fjármagni og bjóði upp á sambærileg úrræði erlendis á meðan beðið er eftir heildstæðum lausnum hérlendis? Ef svo er, hver væru viðmið, fjöldi, kostnaðarrammi og eftirfylgni þeim tengd?
4. Liggja fyrir skýr markmið, mælikvarðar og framkvæmdaáætlun í fjárlögum yfirstandandi árs um úrbætur á meðferðarúrræðum vegna geð- og fíknivanda ungmenna og hvaða ný eða styrkt úrræði verða fjármögnuð, fyrir hversu marga og með hvaða eftirfylgni?
Skriflegt svar óskast.
