Finnur Ingólfsson
Þingseta
Alþingismaður Reykvíkinga 1991–1999 (Framsóknarflokkur).
Varaþingmaður Reykvíkinga nóvember–desember 1987, október–nóvember 1988, maí 1989, janúar–febrúar 1990.
Iðnaðar- og viðskiptaráðherra 1995–1999.
Formaður þingflokks framsóknarmanna 1994–1995.
Æviágrip
Fæddur í Vík í Mýrdal 8. ágúst 1954. Foreldrar: Ingólfur Þorsteinn Sæmundsson (fæddur 3. desember 1916, dáinn 14. júlí 2004) skrifstofumaður og kona hans Svala Magnúsdóttir (fædd 20. mars 1920, dáin 7. mars 1992) húsmóðir. Maki (5. ágúst 1977): Kristín Vigfúsdóttir (fædd 30. desember 1955) hjúkrunarfræðingur. Foreldrar: Vigfús Magnússon og kona hans Fanney Reykdal. Börn: Fanney (1980), Ingi Þór (1982), Hulda (1989).
Nám við Samvinnuskólann á Bifröst 1973–1975. Stúdentspróf Samvinnuskólanum í Reykjavík 1979. Viðskiptafræðipróf HÍ 1984.
Framkvæmdastjóri Prjónastofunnar Kötlu 1975–1976. Framkvæmdastjóri Prjónastofunnar Dyngju 1977–1978. Stundakennari í hagfræði við Flensborgarskólann í Hafnarfirði 1982–1983. Aðstoðarmaður sjávarútvegsráðherra 1983–1987. Aðstoðarmaður heilbrigðis- og tryggingamálaráðherra 1987–1991. Skipaður 23. apríl 1995 iðnaðar- og viðskiptaráðherra, lausn 28. maí 1999. Skipaður 28. maí 1999 iðnaðar- og viðskiptaráðherra, lausn 31. desember 1999.
Formaður stúdentaráðs Háskóla Íslands 1981–1982. Formaður Sambands ungra framsóknarmanna 1982–1986, gjaldkeri Framsóknarflokksins 1986–1994, formaður fulltrúaráðs framsóknarfélaganna í Reykjavík 1987–1991 og varaformaður Framsóknarflokksins 1998–2001. Í samninganefnd Tryggingastofnunar ríkisins við lækna 1987–1991. Í stjórn Álafoss 1984–1986. Formaður stjórnar Félagsstofnunar stúdenta 1985–1987. Fulltrúi Alþingis á RÖSE-þingi 1994. Fulltrúi í Þingmannasamtökum Norður-Atlantshafsríkjanna 1993.
Alþingismaður Reykvíkinga 1991–1999 (Framsóknarflokkur).
Varaþingmaður Reykvíkinga nóvember–desember 1987, október–nóvember 1988, maí 1989, janúar–febrúar 1990.
Iðnaðar- og viðskiptaráðherra 1995–1999.
Formaður þingflokks framsóknarmanna 1994–1995.
Æviágripi síðast breytt 12. september 2019.
Upplýsingar um nefndarstörf ná aftur til ársins 1991 (115. löggjafarþing). Sjá annars nefndasetur
Æviágrip þingmanna eru almennt ekki uppfærð eftir að þingsetu lýkur, nema leiðrétta þurfi augljósar villur.
