Steingrímur Steinþórsson
Þingseta
Alþingismaður Skagfirðinga 1931–1933, 1937–1942 og 1946–1959 (Framsóknarflokkur).
Varaþingmaður Skagfirðinga apríl 1946.
Forsætis- og félagsmálaráðherra 1950–1953, landbúnaðar- og félagsmálaráðherra 1953–1956.
Forseti sameinaðs þings 1949–1950. 1. varaforseti neðri deildar 1947–1949.
Æviágrip
Fæddur í Álftagerði við Mývatn 12. febrúar 1893, dáinn 14. nóvember 1966. Foreldrar: Steinþór Björnsson (fæddur 21. mars 1860, dáinn 3. apríl 1926) bóndi þar og kona hans Sigrún Jónsdóttir (fædd 6. mars 1870, dáin 7. febrúar 1929) húsmóðir, dóttir Jóns Sigurðssonar alþingismanns á Gautlöndum. Maki (17. júní 1928): Guðný Theódóra Sigurðardóttir (fædd 12. desember 1899, dáin 25. desember 1988) húsmóðir. Foreldrar: Sigurður Sigurðsson og kona hans Sigríður Guðmundsdóttir. Börn: Steinþór (1929), Hreinn (1930), Sigurður Örn (1932), Sigrún (1936). Dóttir Steingríms og Óskar Jórunnar Árnadóttur: Torfhildur (1931).
Búfræðipróf Hvanneyri 1915. Próf frá búnaðarháskólanum í Kaupmannahöfn 1924.
Vann á búi foreldra sinna á Litluströnd við Mývatn 1915–1917. Fjármaður á Hvanneyri 1917–1920. Kennari við Bændaskólann á Hvanneyri 1924–1928. Skólastjóri Bændaskólans á Hólum 1928–1935. Búnaðarmálastjóri 1935–1962 nema þann tíma er hann var ráðherra. Nýbýlastjóri 1936–1941. Skipaður 14. mars 1950 forsætis- og félagsmálaráðherra, lausn 11. september 1953. Skipaður 11. september 1953 landbúnaðar- og félagsmálaráðherra, fór einnig með kirkju- og orkumál, lausn 27. mars 1956, en gegndi störfum til 24. júlí.
Í skipulagsnefnd atvinnumála 1934–1937. Settur forstjóri landbúnaðardeildar atvinnudeildar háskólans 1937–1941. Formaður milliþinganefndar í tilraunamálum landbúnaðarins 1938–1939. Í sýningarráði Íslandsdeildar heimssýningarinnar í New York 1938–1940. Í nýbýlastjórn frá 1941 til æviloka. Skipaður formaður í tilraunaráði búfjárræktar 1. janúar 1943, í nýbyggingarráði 1944, í nefnd til að endurskoða lög um bændaskóla 1947. Formaður sýningarráðs landbúnaðarsýningar 1947. Formaður Heklunefndar 1947. Í bankaráði Landsbankans 1957–1966. Í Náttúruverndarráði 1956–1966. Formaður orðunefndar 1957–1965.
Alþingismaður Skagfirðinga 1931–1933, 1937–1942 og 1946–1959 (Framsóknarflokkur).
Varaþingmaður Skagfirðinga apríl 1946.
Forsætis- og félagsmálaráðherra 1950–1953, landbúnaðar- og félagsmálaráðherra 1953–1956.
Forseti sameinaðs þings 1949–1950. 1. varaforseti neðri deildar 1947–1949.
Ritaði sjálfsævisögu sem kom út 1978–1980.
Ritstjóri: Búnaðarrit (1936–1950 og 1957–1962).
Æviágripi síðast breytt 8. apríl 2020.
