Þórhildur Þorleifsdóttir
Þingseta
Alþingismaður Reykvíkinga 1987–1991 (Samtök um kvennalista).
Varaþingmaður Reykvíkinga mars–apríl 1993.
Formaður þingflokks Samtaka um kvennalista 1987–1988.
Æviágrip
Fædd á Ísafirði 25. mars 1945. Foreldrar: Þorleifur Guðmundsson (fæddur 28. nóvember 1911, dáinn 18. september 1992) kaupsýslumaður í Reykjavík og kona hans Guðrún Bergsdóttir (fædd 4. desember 1915, dáin 9. júní 1992) húsmóðir, dótturdóttir Eggerts Benediktssonar alþingismanns. Maki (8. október 1965): Arnar Jónsson (fæddur 21. janúar 1943) leikari. Foreldrar: Jón Kristinsson og kona hans Arnþrúður Ingimarsdóttir. Börn: Guðrún Helga (fædd 1964, dáin 2003), Sólveig (1973), Þorleifur Örn (1978), Oddný (1980), Jón Magnús (1982).
Stúdentspróf MA 1976. Nám við The Royal Ballet School í London 1961–1963.
Kennari við Listdansskóla Þjóðleikhússins, SÁL-skólann, Leiklistarskóla Leikfélags Reykjavíkur og Leiklistarskóla Íslands. Leikari og danshöfundur víða. Fastráðinn leikari hjá Leikfélagi Akureyrar 1973–1975. Einn stofnenda Alþýðuleikhúss 1975. Hefur starfað sem leikstjóri síðan við öll atvinnuleikhús á Íslandi, Íslensku óperuna, sjónvarp o. fl.
Formaður Félags leikstjóra á Íslandi síðan 1982. Í stjórn Bandalags íslenskra listamanna. Í stjórn Verkamannabústaða 1982–1983. Í félagsmálaráði Reykjavíkurborgar 1983–1984.
Alþingismaður Reykvíkinga 1987–1991 (Samtök um kvennalista).
Varaþingmaður Reykvíkinga mars–apríl 1993.
Formaður þingflokks Samtaka um kvennalista 1987–1988.
Æviágripi síðast breytt 20. mars 2020.
Æviágrip þingmanna eru almennt ekki uppfærð eftir að þingsetu lýkur, nema leiðrétta þurfi augljósar villur.
