Bjarni Benediktsson

Bjarni Benediktsson
  • 565-6009

Þingseta

Alþingismaður Suðvesturkjördæmis síðan 2003 (Sjálfstæðisflokkur).

Fjármála- og efnahagsráðherra síðan 2013.

Æviágrip

Fæddur í Reykjavík 26. janúar 1970. Foreldrar: Benedikt Sveinsson (fæddur 31. júlí 1938) hæstaréttarlögmaður og Guðríður Jónsdóttir (fædd 19. september 1938) húsmóðir. Maki (22. júlí 1995): Þóra Margrét Baldvinsdóttir (fædd 1. mars 1971). Foreldrar: Baldvin Jónsson og Margrét S. Björnsdóttir. Börn: Margrét (1991), Benedikt (1998), Helga Þóra (2004), Guðríður Lína (2011).

Stúdentspróf MR 1989. Lögfræðipróf HÍ 1995. Nám í þýsku og lögfræði í Þýskalandi 1995–1996. LL.M.-gráða (Master of Laws) frá University of Miami School of Law í Bandaríkjunum 1997. Hdl. 1998. Löggiltur verðbréfamiðlari 1998.

Fulltrúi hjá sýslumanninum í Keflavík 1995. Lögfræðingur hjá Eimskip 1997–1999. Lögmaður með eigin rekstur á Lex lögmannsstofu 1999–2003. Fjármála- og efnahagsráðherra síðan 23. maí 2013.

Í stjórn Hugins, félags ungra sjálfstæðismanna í Garðabæ, 1991–1993, formaður 1993. Framkvæmdastjóri lögfræðiaðstoðar Orators, félags laganema, 1994–1995. Í stjórn Heilsugæslu Garðabæjar 1998–2002. Í skipulagsnefnd Garðabæjar 2002–2010. Varaformaður Flugráðs 2003–2007. Formaður knattspyrnudeildar Ungmennafélagsins Stjörnunnar í Garðabæ 2003–2005. Í stjórnarskrárnefnd 2005–2007. Formaður Sjálfstæðisflokksins síðan 2009.

Alþingismaður Suðvesturkjördæmis síðan 2003 (Sjálfstæðisflokkur).

Fjármála- og efnahagsráðherra síðan 2013.

Allsherjarnefnd 2003–2007 (formaður), fjárlaganefnd 2003–2007, iðnaðarnefnd 2003–2004 og 2007, sérnefnd um stjórnarskrármál 2004–2007 og 2009 (fyrri), heilbrigðis- og trygginganefnd 2004–2005, utanríkismálanefnd 2005–2013 (formaður 2007–2009), kjörbréfanefnd 2005–2009, efnahags- og skattanefnd 2007–2009.

Íslandsdeild VES-þingsins 2003–2005 (formaður), Íslandsdeild þingmannanefndar EFTA 2005–2009, Íslandsdeild Norðurlandaráðs 2009–2012.

Æviágripi síðast breytt 29. mars 2015.