Bogi Th. Melsteð
Þingseta
Alþingismaður Árnesinga 1893.
Æviágrip
Fæddur í Klausturhólum 4. maí 1860, dáinn 12. nóvember 1929. Foreldrar: Jón Melsteð (fæddur 28. maí 1829, dáinn 13. febrúar 1872) prestur í Klausturhólum, sonur Páls Melsteðs alþingismanns, og kona hans Steinunn Bjarnadóttir Thorarensen.
Stúdentspróf Lsk. 1882. Mag. art. í sagnfræði Hafnarháskóla 1890.
Aðstoðarmaður í ríkisskjalasafninu í Kaupmannahöfn 1893–1903. Styrkþegi Árnasafns yfir 20 ár alls. Hafði frá 1904 styrk í fjárlögum til þess að semja sögu Íslands. Forgöngumaður um stofnun Hins íslenska fræðafélags 1912 og formaður þess frá stofnun til æviloka. Dvaldist í Kaupmannahöfn til æviloka.
Alþingismaður Árnesinga 1893.
Samdi bækur og greinar um sögu Íslendinga.
Ritstjóri: Hið íslenska fræðafélag í Kaupmannahöfn. Ársrit (1916–1929).
Æviágripi síðast breytt 14. nóvember 2024.
Æviágrip þingmanna eru almennt ekki uppfærð eftir að þingsetu lýkur, nema leiðrétta þurfi augljósar villur.
