Jón Thorstensen
Þingseta
Konungkjörinn alþingismaður 1847–1849, alþingismaður Reykvíkinga 1852–1855.
Æviágrip
Fæddur á Kúfustöðum í Svartárdal 7. júní 1794, dáinn 15. febrúar 1855. Foreldrar: Þorsteinn Steindórsson (fæddur um 1768, dáinn 11. desember 1848) bóndi þar og kona hans Margrét Jónsdóttir (fædd um 1760, dáin 13. maí 1835) húsmóðir. Tengdafaðir Jóns A. Hjaltalíns alþingismanns. Maki (21. júní 1821): Elín Stefánsdóttir Thorstensen, fædd Stephensen (fædd 24. desember 1800, dáin 4. júní 1887) húsmóðir. Foreldrar: Stefán Ólafsson Stephensen og kona hans Marta María Diðriksdóttir Stephensen, fædd Hölter. Börn: Jónas (1822), Jónas (1823), Ragnheiður (1824), Jónas (1826), Margrét (1827), Stefán Þorvarður (1830), Hans Theodór (1831), Margrét Guðrún (1833).
Stúdentspróf Bessastöðum 1815. Læknisfræðipróf Hafnarháskóla 1819. Framhaldsnám á Friðriksspítala 1819–1820. Heiðursdoktor 1847 við háskólann í Marburg í Þýskalandi.
Skipaður 1819 landlæknir og tók við embættinu 1. júní 1820. Sat fyrst í Nesi við Seltjörn, en fluttist haustið 1834 til Reykjavíkur. Jafnframt öðrum embættisstörfum hélt hann uppi læknakennslu 1823–1835. Hafði með höndum veðurathuganir í Reykjavík 1823–1854 fyrir vísindafélagið danska.
Í bæjarstjórn Reykjavíkur 1836–1842 og 1849–1850.
Konungkjörinn alþingismaður 1847–1849, alþingismaður Reykvíkinga 1852–1855.
Samdi nokkur rit um sjúkdóma og lækningar.
Æviágripi síðast breytt 8. febrúar 2016.
