Páll Jóhann Pálsson
Æviágrip
Fæddur í Keflavík 25. nóvember 1957. Foreldrar: Páll Hreinn Pálsson (fæddur 3. júní 1932) skipstjóri, útgerðarmaður og fiskverkandi og Margrét Sighvatsdóttir (fædd 23. maí 1930, dáin 3. febrúar 2012) húsmóðir og tónlistarmaður. Maki: Guðmunda Kristjánsdóttir (fædd 21. nóvember 1952) útgerðarstjóri. Foreldrar: Kristján Karl Pétursson og Ágústa Sigurðardóttir. Synir: Páll Hreinn (1983), Eggert Daði (1985). Sonur Páls Jóhanns og Evu Sumarliðadóttur: Lárus Páll (1977). Stjúpbörn, börn Guðmundu: Ágústa (1972), Valgeir (1980).
Vélfræðingur frá Vélskóla Íslands 1978. Skipstjórnarpróf frá Stýrimannaskóla Íslands 1983.
Vann við almenna fiskvinnslu með skóla auk sjómennsku á vertíðarbátum milli skólaára 1973–1978. Vélstjóri 1978–1981 og 2000–2002. Starfsmaður Vélsmiðju Jóns og Kristins í Grindavík 1982–1983. Vélstjóri, skipstjóri og bátsmaður 1983–1994. Útgerðarstjóri hjá Vísi hf. 1994–2000. Skipstjóri og útgerðarmaður síðan 2003.
Í stjórn Hestamannafélagsins Mána 1982–1983. Í stjórn Reykjaness, félags smábáta á Reykjanesi, 2003–2010. Formaður stjórnar Landssambands línubáta 2010–2013. Í bæjarstjórn Grindavíkurbæjar síðan 2010. Í stjórn Saltfiskseturs Íslands og í stjórn Suðurlinda ehf. síðan 2010. Formaður hafnarstjórnar Grindavíkurhafnar síðan 2011.
Alþingismaður Suðurkjördæmis 2013–2016 (Framsóknarflokkur).
Atvinnuveganefnd 2013–2016, velferðarnefnd 2013–2015, fjárlaganefnd 2015–2016.
Íslandsdeild Vestnorræna ráðsins 2013–2016.
Æviágripi síðast breytt 31. október 2016.