Umgengni um nytjastofna sjávar.
Frsm. meiri hluta sjútvn. (Guðjón Hjörleifsson) (S) (andsvar):
Virðulegi forseti. Ég sagðist hafa talað við skipstjóra sem tók þátt í þessu verkefni og nýtti þessar skiljur þannig að árangurinn væri mjög góður.
Ég talaði um stjórnvaldsaðgerðir, handaflsaðgerðir þegar verið væri að flytja kvóta frá þeim sem voru í aflamarkskerfinu yfir á smábáta. Sú er ástæðan fyrir því að bæjarstjórn Vestmannaeyja mótmælti á sínum tíma.
Ég er mjög kvótasinnaður maður. Varðandi kolmunnann taldi ég þá aðferðafræði betri að í staðinn fyrir að taka þrjú viðmiðunarár vildi ég taka síðasta árið og hafa hærri hlutföll, þá voru fleiri bátar komnir í þetta. Við fengum mjög stór skip sem höfðu verið í smíðum og misstu af því að veiða þennan tilraunakvóta.