132. löggjafarþing — 89. fundur, 20. mars 2006.
Lax- og silungsveiði.
607. mál
Frú forseti. Eins og málið lítur út núna, svo að ég svari spurningu hv. þm. Valdimars Leós Friðrikssonar, þá er það mitt markmið í meðförum landbúnaðarnefndar að fá einhverju breytt í 27. gr. frumvarpsins. Ég á frekar von á því að ég muni leggja fram breytingartillögu í meðförum þingsins um algjört bann á netaveiðum, þó með þeim takmörkunum sem ég nefndi áðan.
Ég hef ekki kynnt mér netaveiði á silungi í sjó nógu vel en mun að sjálfsögðu gera það í meðförum málsins.