staða, stjórn og starfshættir þjóðkirkjunnar.
Hæstv. forseti. Við greiðum atkvæði um frumvarp til laga um stöðu, stjórn og starfshætti þjóðkirkjunnar. Við 2. umr. um málið komu upp ákveðin álitamál sem ég lýsti yfir í umræðunni að ég óskaði eftir eða vildi gefa mér svigrúm til að kanna betur á milli umræðna, 2. og 3. umr. Það var í ræðu hv. þm. Jóns Bjarnasonar sem þessum álitamálum var varpað fram. Við ætlum að gefa okkur tíma milli umræðnanna til að skoða nánar þá þætti sem þar var komið inn á og munum því við þessa atkvæðagreiðslu málsins sitja hjá, hv. þingmenn Vinstri hreyfingarinnar – græns framboðs.