efnahagsmál og umræða um fjárlög 2009.

Virðulegi forseti. Vegna þeirrar kröfu sem gerð er um að fresta umræðu er fjárlagafrumvarpið alltaf ákveðinn spádómur um það sem koma skal og síðan eru fjárlögin lagfærð í samræmi við veruleikann seinna á árinu. En hv. þingmenn, þið getið rétt ímyndað ykkur hvaða óvissu það mundi skapa ef Alþingi Íslendinga mundi ekki fylgja ákvæði stjórnarskrár og taka málið á dagskrá sem fyrsta mál á þinginu. Þá værum við fyrst að skapa óvissu þannig að ég tek undir með forseta þingsins og þeim sem segja: Við þurfum að hefja þessa umræðu og ljúka henni. Hún er liður í því að skapa þann stöðugleika sem eftir er kallað.