ríkisábyrgð á lántöku Tryggingarsjóðs innstæðueigenda og fjárfesta.
Forseti. Ég þakka hv. þm. Bjarkey Gunnarsdóttur fyrir efnismikla ræðu, ágætlega samda og vel flutta þó að ég sé ekki endilega sammála öllu innihaldinu. Mikið er rætt um í tengslum við allt þetta mál að það að verða við þeirri ósk sem í frumvarpi ríkisstjórnarinnar liggur um ríkisábyrgðina — ég fer örugglega rétt með vitnað í hv. þingmann, að hún teldi að það að verða við óskinni um ríkisábyrgðina væri liður í því að tryggja endurreisn íslensks efnahagslífs og sá tónn að svo sé er mikið í umræðunni.
Ég vildi gjarnan heyra hvernig við ætlum að ná því ágæta markmiði fram, hvernig ríkisábyrgðin er liður í því að tryggja endurreisnina.